स्पर्श डोमिनो

क्रियाकलाप विधि

कार्डबोर्डलाई २• ५” र ५” को आकारमा काट्ने । कार्डबोर्डको एकापट्टि गोलो आकारमा फरकफरक स्पर्शका वस्तुहरू टाँस्ने । त्यसै गरी एक सेट स्पर्शका वस्तुहरू गोलाकारमा काटेर राख्ने । काटेका टुक्रालाई प्रत्येक कार्डबोर्डका टुक्रामा टाँस्दै जाने । एउटा कार्डको एकापट्टि (दायाँपट्टि) र अर्को कार्डको बायाँपट्टि गरेर जोडा मिल्ने गरी कार्डबोडमा स्पर्शका टुक्राहरू टाँस्ने । यसै गरी स्पर्शको माध्यमबाट कार्ड वा पत्तीको वर्गीकरण गर्न लगाउने । यो क्रियाकलाप बालबालिकाको जोडी वा समूह बनाएर पनि गराउन सकिन्छ । बालबालिकाको क्षमताअनुसार स्पर्शबाट थाहा पाउने सामग्री राखिने बोर्डलाई ठूलो पनि बनाउन सकिन्छ । अथवा टुक्राहरू दिएर जोडा मिलाउन पनि लगाउन सकिन्छ ।