संवेग घडी

क्रियाकलाप विधि

बालबालिकालाई कस्तो लागेको छ भन्ने (क्रियाकलापपछि) थाहा पाउन वा उनीहरूको भावना थाहा भएपछि त्यो देखाउन शिक्षकले संवेग घडी प्रयोग गर्न सक्नेछन् । यो घडी प्रत्येक बालबालिकाका लागि व्यैक्तिक आवश्यकताको आधारमा प्रयोग गर्न सकिनेछ । बालबालिकाको मनोभावना बुझेर दु:खी भएको समयमा वा भावनात्मकरूपमा अस्थिर रहेको बेलामा यो घडी दिने र घडीको कम्पास घुमाउन लगाउने । कम्पास जुन चित्रमा गएर रोकिन्छ त्यही कार्य गर्न लगाउने । घडीको अङ्कसँग सम्बन्धित चित्र जस्तैः उफ्रेको, कुदेको, नाचेको, गीत गाएको, अथवा उनीहरूलाई के गर्न मन लागेको छ त्यो सोधेर कम्पास त्यही चित्रमा राख्न लगाउने । यसरी क्रियाकलाप गर्दा साथीहरूलाई समावेश गर्न आवश्यक भए मात्र गर्ने, नत्र बालबालिकाको चाहनाअनुसारका क्रियाकलाप गर्न प्रोत्साहित गर्ने ।