चित्र र शब्द जोडा मिलाउने

क्रियाकलाप विधि

एउटा डाली, नाङ्लो वा बक्सामा इम्बोस्ड गरिएका विभिन्न चित्रहरू राख्ने । अर्को डाली वा नाङ्लो वा बक्सामा तीनै चित्रहरूको नाम लेखेको शब्दपत्तीहरू राख्ने । अब शिक्षकले पहिले चित्रहरू निकाल्दै केको चित्र हो भनी सोध्ने । शुद्धसँग नाम भन्दै लाइन मिलाएर चित्रहरूलाई एकातिर राख्ने । अब एकएक गरेर शब्दपत्ती निकाल्ने । बालबालिकालाई शब्द भन्न लगाउने, सकेनन् भने शिक्षकले शब्दलाई २-२ पटक भनी दिने । अब शब्द भन्दै मिल्ने चित्रको छेउमा शब्दपत्ती राख्न लगाउने । यसरी सबै चित्र र शब्दपत्ती मिलाउने । खेल विधिलाई प्रविधिसँग जोड्न सकिन्छ । सुनाइसम्बन्धी अपाङ्गता भएका बालबालिकाका लागि आवाजको सङ्केत बनाएर देखाउँदै अनुकरणात्मक शब्दहरू, जस्तै:- प्याट्ट, ट्वाक्क आदि सिकाउन सकिन्छ ।