वैयक्तिक प्रारम्भिक सिकाइ योजना निर्माणका चरणहरू – भाग २

आठौँ चरण

यस चरणमा वैयक्तिक प्रारम्भिक सिकाइ योजनाको पुनरावलोकन गरिन्छ । योजनाले प्रभावकारी रूपमा काम गर्न सकिरहेको छ या छैन तथा रणनीतिमा कुनै प्रकारको फेरवदल गर्नुपर्ने आवश्यकता पो छ कि भन्ने कुरा थाहा पाउन यस्ता पुनरावलोकनहरू गरिन्छन् । यसै गरी कतिपय क्रियाकलापहरू एउटा निश्चित समयावधिभित्र मात्र गर्न सकिने पनि हुनुपर्छ । यस्तो पुनरावलोकन खासगरी प्रत्येक तीन महिनामा र कम्तिमा वर्षको एकपटक गर्नुपर्दछ । अभिभावक वा प्रारम्भिक बालविकास केन्द्रले आवश्यक ठानेमा त्योभन्दा अगाडि नै पनि पुनरावलोकन गर्न सकिन्छ । पुनरावलोकनमा अभिभावक तथा सम्पूर्ण सेवा प्रदायकलाई सहभागी गराउनुपर्दछ ।