ससाना लट्ठी राखेर गन्ती सिकाउने बक्सा (Spindle box) प्रयोग गरी गन्ती गर्ने क्रियाकलाप

क्रियाकलाप विधि

बालबालिकालाई शिक्षकले वरिपरि गोलो घेरा हुने गरी राख्ने । लट्ठी राखी गन्ती गर्ने बक्सा र लट्ठीहरूबारे परिचय दिने, बक्सामा रहेको अङ्क चिनाउँदै एकएक गरी लट्ठी गन्दै राख्ने (प्रदर्शन) । बालबालिकालाई एकएक जना गरेर पालैपालो बक्सामा रहेको अङ्क पढ्दै गनेर लट्ठी उठाएर हातको मुट्ठीमा समाउन लगाउने । यसरी अङ्कअनुसार लट्ठीहरू गन्दै ०-९ सम्मका बक्समा राख्न लगाउने, यो क्रियाकलाप पालैपालो सबै बालबालिकालाई गर्न लगाउने । १ देखि ९ सम्म हातका औंला , पेन्सिल आदिको प्रयोगबाट गन्ती गर्न लगाउन सकिन्छ । नोट: ० मा लट्ठी राख्दैनौं र शून्य (०) भनेको खाली अर्थात् कति पनि होइन भन्ने अवधारणा बुझ्नेछन् ।