दिन चिनारी

क्रियाकलाप विधि

चार्ट पेपरमा नमुना क्यालेण्डर बनाउने वा कार्डहरूको दुवै साइडमा क्यालेण्डरमा जस्तै महिना, गते र बार लेख्ने । तर कार्डको एक साइडमा हाइलाइट गर्ने । अब क्यालेण्डरमा जुन दिन/गते हो त्यही दिनको हाइलाइट गरिएको भाग पल्टाउने । साथै गते, बार र महिनाका लागि छुट्टाछुट्टै स्पाइरल कार्ड बनाउने र जुन गते, बार, महिना, र बर्ष हो, सोहीअनुसार पल्टाउन लगाउने । क्यालेण्डर बुझाउन गोजी तालिकाको पनि प्रयोग गर्न सकिन्छ । दृष्टिसम्बन्धी अपाङ्गता भएका बालबालिकाका लागि बार छुट्याउने सङ्केत चित्र प्रयोग गर्ने । सेतो वा कालो पाटीमा गते र बार लेखेर पटकपटक भन्ने, सुनाउने । दिनअनुसार भिन्नभिन्न गीतको प्रयोग गर्ने । सातओटै बारलाई फरकफरक रङ्गको प्रयोग गरी छुट्याउने । क्रियाकलापलाई स्थानीय परिवेशअनुसार अनुकूलन गर्न सकिन्छ ।