फलफूलको चिनारी

क्रियाकलाप विधि

बालबालिकालाई मौसमअनुसार पाइने फलफूल दिएर चिन्न लगाउने । उनीरूलाई फलफूल छाम्न, सुँघ्न र चाख्न दिने । फल नपाउने समयमा चित्र देखाएर छलफल गराउने । जस्तैः स्याउ र स्याउको चित्रसँग जोडा मिलाउने । यसरी नै अन्य विभिन्न फलफूलहरू, जस्तै:- केरा, सुन्तला, आँप, अनार, मेवा, खरबुजाहरू चिनाउने । शिक्षकले प्रत्येक फलको बारेमा कथा, गीत, भन्दै फलको महत्वको बारेमा वर्णन गर्ने । बालबालिकालाई फलको चित्रमा रङ्ग भर्न, च्यात्न, टाँस्न लगाउने । विभिन्न फलफूलहरू राख्ने र सिकाइएको फल चिन्न लगाउने । चित्रपत्ती मिसाएर राख्ने र एकएक गरेर फलफूल छुट्याउन छुट्याउन लगाउने । फलफूलको टुक्रा कार्डहरू मिलाउन लगाउने ।